ســلام عليكم ورحمـت الله وبركاتــه ..
الراب وما أدراك ما هو الراب ..
الراب عموما في نظر مجتمعنا عباره عن مايك و برنامج وأكتب أي كلام وأنشر الأغنية قد ما تقدر
لجل تنشهر و و و إلخ ..
لكن في ناس تفهم الراب من جهه أخرى وهاذي النظره الصح
( يا جماعه لو كلامي فيه أي نوع من أنواع الغلط صححوني لا هنتو ) ..
الراب مو فقط دسات و تغني عن اي شي وتجي ماشي .. لأ طبعا ..
الراب في نظري أقسمه قسمين :
الأول : إحساسك إنت كإنسان أو كشخص ..
هاذي عباره عن لو في يوم حبيت وأنجرحت تكتب كلمات من قلبك وتطلعها في الأغنية ..
وتسمع الناس معاناتك .. تحاول توصل المعلومه بشكل صحيح .. وهنا الناس ما تلاحظه ..
أهم شب لو سار فيك حركه زي هاذي وأتعلمت من غلطك ( توري الناس غلطك وين لجل يتعلمون )
اها الحين صار في هدف من أغنيتك أو الناس أستفادت من أغنيتك ..
أو مثلا تبي تغني عن موقف صارلك وتبي تبرر موقفك لنفسك بالراب مثل الرابر عبادي ..
آخر أغنية نزلها أغنية ( حياتي في الحضيض ) .. إنتو لو تسمعون الأغنية تلاحظون قمة في الشفايفه
كلمات عامه ما حاول يتعمق في الكلمات كثير لجل يوضحلنا الي يحس فيه ..
وكثير من الرابرية غير الرابر عبادي ..
..........................................
الطريقه الثانية هي :
إنك تغني عن شي صاير في المجتمع لجل الناس تسمعلك وتحاول تعدل من أمرك وهذا الشي مو جديد
يعني لو تشوف أغاني الرابر eminem أكثر أغانيه عن العنصرية .. مشاكل المجتمع .. الجنود في الحرب
المعاناه للمواطن الأمريكي .. وعندك على مثال عربي الرابر ( مودي المصري ) أكثر رابر أشوفه
بوصل المشاكل السياسيه بطريقه ذكيه جدا .. ما يحط نفسه في مواقف محرجه وفي نفس الوقت
ينبه الناس .. يعني أكثر الشعب المصري متأثر بكلامه لو تحتكون فيهم راح تعرفوه هالشي ..
يعني سارت الطريقه الثانية انك تشوف موضوع سياسي وتتكلم فيه بس بذكاء يعني ما تتكلم وتورط نفسك
لأ بذكاء تتكلم في حدود دبلماسية بلدك او دمقراطيتها .. يعني عندنا في السعودية صعب تقول كلام
قوي يجرح الحكومه او السياسه لأنه كل واحد فينا يدري وين نهايته ( بريمان يا حبيبي ) ..
وقتها دور سكوفيلد يطلعك ها .. المهم ..
.................
باقي شي أخير ودي أتكلم عنه :
إلي هو الحقد والكراهية الي يسببها الراب بين الرابرية .. في مجتمعنا بالذات ..
يعني لو تلاحظ اول ما الواحد يدخل المجال يقول لا مستحيل الراب يسببلي مشاكل مهما سار لأ
انا أقلك ليه الراب يسبب مشاكل بالأمثله :
كل واحد في الراب له وجهن نظر وهذا الشي صحيح يعني الواحد لازم تكون له وجهت نظر
لكن لو لقيت واحد خالف وجهت نظرك ممكن تتقبل وممكن لأ ( مشاكل ) هنا بدأت مشكله ..
مثل الرابر مودي .. غنى أغنية إسمها صدام .. نسبه للمالك صدام حسين ..
رابرية الكويت كان لهم وجهت نظر أخرى تماما وهنا بدأت مشاكل بين الرابرية الكويتيين والسعوديين
لأنه شارك بالأغنية الرابر عبادي .. وبدأت مع مودي و ناز نار .. وكل واحد حب يوضح وجهت نظره
وفجأه بدأت العلاقات تخرب لأنها دخلت في إختلاف وجهات نظر ..
وصار الي صار .. يمكن كلكم تعرفو الي صار بإستثناء قليل بس ..
...........
الطريقه الثانية للمشاكل .. أخوي إيفل كتب موضوع في قطر وقال اول ناس سوو شي إسمه كسره
كان قروب ثوقز تيم .. وكانت على ديجي ديفل .. وكانت بداية قويه في شي اسمه مشاكل بين رابرية
صار الكل يكسر في الكل ليش ؟ انا أقلكم .. مثلا واحد حاقد على واحد لدرجة فنه أو قوته في الراب
حب يسوي فيت مع رابر .. الرابر هذا جاله واحد من أعز ما يملك وقله اكسر فيه ..
وكسر فيه وكذا كسره ورا كسره ألين صار شي إسمه ( عدم ثقه )
وهذا الشي زعزع الراب في المجتمع بين الكثير ..
يعني الحين لو تروح تقول لرابر وش رايك في فيت .. يقلك طيب انت خلص مقطعك وهات ..
انت راح تشك في الموضوع راح تكنسل الفيت وكذا راح تقل العلاقات بين الرابرية ..
وكذا سارت مشاكل .. يعني حتى بين أخوانك السعوديين انا شفت هذا الشي بعيوني ..
بين كثير من رابرية ..
أول كان صعب تسوي مشاكل لأنه ما كان لك وجه تسوي كشاكل أصلا ..
لكن الحين خلاص العنصرية سارت بين كل الدول ..
.....................
انا أتكلمت عن شي في نفسي ومن أول نفسي أتكلم فيه وان شاء الله عجبكم الموضوع ..
ولي رجعه في التكلم عن ماضي وحاضر الرابرية .. من الكويت ومن الإمارات ومن السعودية .. وكل محل ..
تقبلو مروري ومشاركتي وأتمنى انكم أستفدتو .. ^_^ ..
تحياتيـ لكم...[b]